Pygamberimiziñ iñ uly mugjyzalary

Kur’any Kerim

Pygamberimiz iberilende, Arap ýarymadasynda çeper edebiýat, dilewarlyk, suhangöýlik juda ösüpdir. Şonuñ üçin Pygamberimiziñ iñ uly mugjyzasy Kur’any Kerimdir. Pygamberimiz bir hadysynda: «Öz döwründäki ynsanlary özüne ynandyrmak üçin, mugjyza berilmedik hiç bir pygamber ýokdur. Maña mugjyza hökmünde berlen bolsa, Allahyñ wahý edenidir», (Buhary), diýýär. Kur’anyñ mugjyzalygy kyýamata çenli dowam eder.

Isra we magraj

Pygamberimiziñ Mesjidi Haramdan Mesjidi Aksa äkidilmegi, şol yerden Sidretil Münteha göterilmegi, o taydan yene Mesjidi Harama getirilmegi bilen baglanyşykly hadysadyr. Bu mugyza Kur’any Kerimde we hadyslarda doly düşündirilýär.

«Bir gije käbir delillerimizi görkezeli diýip, guly Muhammedi Mesjidi Haramdan töweregi mübarek kylnan Mesjidi Aksa äkiden Ol Zatyň şany beýikdir. Ol ähli kemçiliklerden daşdyr. Her bir zady eşidýän, görýän Oldur». (Isra 1)

Şakky Kamer (Aýyñ ikä bölünmegi)

Mekge müşrikleri Pygamberimiziň bir mugyza görkezmegini isläpdir. Ol hem Allahyň rugsady bilen Aýy ikä bölüp görkezýär. Ikä bölünen Aý az salymdan ýene-de öňki halyna gelýär. Kur’any Kerim bu hadysany şeýle düşündirýär:

«Kyýamat ýakynlaşdy, Aý ýaryldy. Bir mugyza görseler, derrew ýüz öwürýärler, bu-da birjady diýýärler», (Kamer, 1-3).

Pygamberimizit pygamber bolmazyndan öt, şeýle hem pygamber bolan döwri ýokardaky mugjyzalardan başga-da, naharyň gutarmazlygy, suwuň akmagy, daşlaryň, ösümlikleriň, haýwanlaryň dil açmagy, geljege degişli aýdanlary ýaly ençeme mugjyzalary bardyr.